خصخصة؟والله حرام عليهم...هو يعني ما ينفعش يرفعوا مستوى خدمات التامين الصحي ويضمنولنا حقوقنا من غير ما يستثمروا في امراضنا؟؟؟والدكاترة الافاضل ما ينفعش يعاملوا خلق الله الغلابة والمرضى بانسانية غير لمايبقى واقر في سرائرهم انهم حيقبضوا قد كدة في اخر الشهر؟؟اللى يروح يلقى نظرة على التامين الصحي حيلاقي ناس جريت وسعت وطافت وداخت على اختام تسمحلهم يتعالجوا على نفقة الدولة, وكل اللف دة على ادوية ب 100 جنيه!!!وتلاقي الراجل من دول جاي من اقاصي نجوع الجنوب على ملا وشه علشان "نفقة الدولة" ام 100 جنيه! وياعالم حيلاقي الدوا ولا حيكون الدكتور اتصرف" فيه بمعرفته؟ المضحك المبكي في الموضوع انك تلاقي الدكاترة بيزعقوا للمرضي بصورة تخليك مش عارف انت في مشفى ولا في مباحث امن الدولة!! وايه المعادلة الانسانية المختلة دي اللي تسمح للدكتور يتطاول على مرضاه ويشبههم بالحيوانات؟تبص في العيادة من دول تلاقي دكتور بيتهم المريضة بالجهل والغباءو المريضة مفطورة من العياط وبتعتذر للدكتور عشان مش عارفة تفتكر اسماء كل الادوية اللي بتاخدها!!! (علما بانك باستقصاء الحالة حتكتشف انها مريضة باحد امراض الدم المزمنة والتي تهاجم انسجة الاجهزة الحيوية بالجسم وتسبب تلف شديد بها وبالتالي فهي لاكثر من عقد من الزمان تتناول كميات كبيرة من العقاقير المختلفة الاسماء والوظائف)...طب ايه يعني؟؟؟هي طالبة عندك في القسم مثلا يا دكتور؟؟؟انت نسيت انت مين وشغال في بلد شكل الناس فيها ايه ومستوى تعليمهم ايه؟ ولا واحد تاني لما الدكتور اتخلّق عليه قام ماسك الملف بتاعه (المريض نفسه مسك ملفه المرضي الشخصي) وراح مقطعه: "انتو حتذلوا فينا ليه؟؟طب اهه...مش متعالج!!"... فساد ومعاملة لا ادمية وعجز واهمال وعدم نظافة, وبدل ما ينصب مجهود الدولة على ازاي نعالج دة ونتصدى له, بقى كل همهم ازاي نبيع التامين ونجيب اعلى مكاسب من ورا امراض الخلق دول!!! اشكو اليكككككك...