مقال رائع و هو تجديد لسؤالى الدائم لماذا ابتعدت كفاية مثلها مثل جميع احزاب المعارضة ( ان وجدت ) عن الشعب المصرى لم اجد طوال حياتى فلاحا بسيطا او شابا خريجا مستواة الثقافى متوسط كمثل 90 % من الشباب الجامعى الأن ولا بائع فى محل بقالة يعرف شيئا عن احزاب المعارضة او حركة كفاية و لو علم لوجد اسمها فقط لماذا هذا البعد عن الناس اللذين يمثلون 70% من الشعب المصرى ان كان اكثر ولا اتخيل ان النخبة المثقفة او الأدباء و المفكرون يمثلون 5 % من جملة الشعب المصرى على الأكثر هم القادرون على مقاومة نظام دولة !!!! لماذا لا تنزل كفاية الشوارع البسيطة و تكلم الناس و ينشؤا جمعيات استهلاكية و معونات و حملات توعية ثقافية و لا يتركوا الناس للتليفزيون الحكومى و البيت بيتك الذى يجهض جميع محاولات النهوض قبل ان تتحرك من مكانها و لكم فى الأخوان عبرة فقد استطاعوا تكوين مؤيدين عددهم ليس بالقليل عن طريق دعوتهم و خدماتهم الأجتماعية للناس فكثير من مؤيدى الأخوان بسطاء لا يهمهم هذة التعديلات الحمقاء و لا شىء من هذا لكنهم يؤيدوا الأخوان لأنهم بالفعل اخوانهم اجتماعيا و يجدوهم عن الشدائد و المحن المالية و الأجتماعية و طبعا ما اكثر المحن المالية للشعب المصرى فأراهن ان يجف ريق اى محاور مثقف او مؤيد لكفاية او حزب معارضة و لا يستطيع الرد عن تساؤلات المواطن البسيط عندما يحاول المثقف اقناعة بجدوى المعارضة فيكون التساؤل : يعنى هو انتوا عملتوا اية؟؟؟ لا شفناكم بتساعدوا حد ولا ليكم وجود فى شارع ولا حتى نعرف اسم حد منكم ؟؟؟ و اكيد بعد كدة هيقولك اللى نعرفة احسن من اللى مانعرفوش لانة دلوقت مش بيلاقى اكل بس الأكل موجود و مش بيلاقى شرب بس هيجى وقت و يلاقى الرزق قليل بس ربنا مسهلها...... والله اعلم بعد كدة يمكن مانلاقيش حاجة خالص.. بجد مش الكلام دة انت سمعتة قبل كدة و انت بتكلم اى حد طيب لية الراجل دة هيروح يقاطع التعديلات الدستورية ولا هيرفضها و هو شايف ان التليفزيون اقنعة انة لايزم يروح لان اللى يعرفة احسن من اللى مايعرفوش .............. ارجو من جميع العاملين فى هذة الحركة و المجال السياسى مراجعة تفكيرهم مرة اخرى و معرفة مواطن القوة من الشعب المصرى و كيفية تحقيق الهدف و استثمار البركان الخامد الذى يقول (( اللى نعرفة احسن من اللى مانعرفوش ))