السلام عليكم ورحمة الله وبركاته أولا أنا مش سياسي ولا لي أي ميول سياسية، ولكن أنا مصري وبحب بلدي جدا وشايف انها أحسن البلاد العربية. أنا مداخلتي ارجو انها تكون للصالح العام وليس لأحقاد شخصية دايما اشوف المتكلمين يتكلموا عن مبارك وطول فترة حكمه وسياسته وحكومته، ماحدش ابدا اتكلم على البلادة والسؤ اللي فيه الشخصية المصرية وهي شخصية سلبية جدا، خلينا نشوف أخطائنا الأول ونعالجها وبعد كدة طبيعي ان الهرم لو أصلحت قاعدته حينتقل الإصلاح إلى قمته وليس العكس كما تطالبون أين الشخصية المصرية؟ وأين الروح المصرية ؟ أين المبادئ وأين الشرف وأين الحياء وأين الأخلاق ..... عايزين تقولولي ان مبارك هو السبب مبارك هو السبب في أن أولادنا اصبحوا مسخ من سؤ الأخلاق المنتشر عن طريق التكنولوجيا. مبارك هو السبب في طمع الشخصية المصرية اللي مابتصدق تسرق من أي جهة، أي موظف عايز يرتشي حتى اللي مرتباتهم عالية وانتم اكيد بتشوفوا ده في كل مكان. مبارك هو السبب في خلاعة وفساد أخلاق الشباب الموجودة حاليا. مبارك هو السبب في الجشع المنتشر بين كل المصريين. المواضيع كثيرة جدا ياناس لنرجع لقول الله تعالي: إن الله لا يغير ما في قوم حتى يغيروا ما في أنفسهم فوقوا لنفسكم وابنوا بيوتكم على الأخلاق حنلاقي مصر بعد كام سنة فيها جيل نظيف وهو اللي حيغير ويرجع المبادئ زي الأول توقيع مصري بيحب مصر جدا