الى كل مصرى ومصرية الى كل مسلم ومسيحى والى كل شاب وفتاة دى بلدنا ملناش غيرها ومش هنسبها ونقعد فيها بكرمتنا خلاص حكم الطاغية انتهى خلاص انتو عارفين دلوقتى هو بيعمل ايه بيلم اوراقه واللى يقدر عليه من خير البلد دى عشان يهرب لكن احنا بعون الله مش هنديله الفرصةانه يهرب بحقوقنا اللى سرقها مننا مش خايفين هناخف من ايه ومن مين وعلى ايه هو احنا حليتنا حاجة غير كرمتنا اللى داسوها برجليهم النجسة عاوزين حقنا فى بلدنا عاوزين كرمتنا ارفع راسك لفوق وقول انا مصرى واى حد هيقرب لكرمتى هتكون نهيته على ايدى خلاص زمن الخوف انتهى ومش راجع قوم واعمل حاجة لنفسك ولاهلك خلى كرمتك تتكلم ماتدفنش راسك زى النعام وتعمل مش فاهم ومش واخد بالك ماتخليش لقمة العيش تتحكم فيك سياسة التجويع انتهت ومش راجعة قوم واوعى تخاف عشان خلاص كفاية بجد كفاية قلة قيمة وبهدلة كفاية زل ومهانة كفاية دكتاتورية وظلم مش نسكت تانى كفاية سكوت وخوف ورعب علمهولنا الحكومة الخاينة باعونا بارخس الاسعار لمصالحهم الشخصية على حساب كرمتنا قوم معايا انت وهو وهى قوموا وقولوا كفـــــــــــــــــــايه